Ky botim i rëndësishëm është rezultat i njërës prej konferencave shkencore të IKKL-së dhe sjell kontribute të studiuesve dhe ekspertëve të ndryshëm mbi dokumentimin, trajtimin dhe kuptimin e krimeve të kryera gjatë luftës në Kosovë, duke adresuar njëkohësisht çështje të drejtësisë, kujtesës dhe llogaridhënies.
Falënderim i veçantë për Prof. Aidan Hehir dhe Furtuna Sheremeti për bashkëpunimin dhe përkushtimin e tyre në realizimin e këtij projekti të rëndësishëm.
Ky publikim është një hap tjetër i rëndësishëm drejt ruajtjes së kujtesës kolektive, forcimit të dokumentimit institucional dhe avancimit të diskutimit akademik dhe shoqëror mbi krimet e luftës dhe drejtësinë tranzicionale në Kosovë.
