Ngjarje të tilla shënojnë hapa të rëndësishëm drejt ndërtimit të një sistemi të qëndrueshëm të dokumentimit, përmes strukturimit dhe ruajtjes së të dhënave mbi krimet e luftës. Materialet e digjitalizuara do të shërbejnë si burim i vlefshëm për hulumtimet akademike dhe për një kuptim më të plotë të së kaluarës.
IKKL vlerëson mbështetjen e vazhdueshme të partnerëve vendorë, si z. Ahmet Grajqevci nga KKAFZhK, si dhe të partnerëve ndërkombëtarë, Sh.T. Jonathan Hargreaves, Ambasador i Mbretërisë së Bashkuar në Kosovë, dhe z. Nuno Queirós nga UNDP, të cilët përmes bashkëpunimit dhe besimit të treguar kontribuojnë drejtpërdrejt në forcimin e kapaciteteve institucionale dhe avancimin e proceseve të dokumentimit dhe memorializimit.
Ky proces i hapur ka synim për të ndërtuar bazë të besueshme të të dhënave, në shërbim të institucioneve, studiuesve dhe shoqërisë në tërësi.
