Drejtori Ekzekutiv i IKKL-së mori pjesë në panelin e diskutimit kushtuar memorializimit, të organizuar nga YiHR me mbështetjen e British Council. Në prani të përfaqësuesve të shoqërisë civile, mediave dhe akademisë, Dr. Hetemi theksoi se memorializimi fillon me dokumentimin e saktë, ruajtjen e dëshmive dhe verifikimin e fakteve.

IKKL vlerëson se dokumentimi dhe memorializimi i mirëfilltë mund të arrihen vetëm përmes bashkëpunimit të ngushtë ndërmjet institucioneve, shoqërisë civile, mediave, akademisë dhe partnerëve të tjerë. Vetëm së bashku mund të ndërtojmë kujtesë kolektive të bazuar në fakte, që i shërben së vërtetës, drejtësisë dhe brezave që vijnë.