Departamenti i Dokumentimit

Divizioni i Mbledhjes

Misioni

Divizioni i Mbledhjes ka për mision mbledhjen dhe dokumentimin e burimeve të rëndësishme për krimet e kryera gjatë luftës në Kosovë, duke iu qasur këtyre ngjarjeve nga aspektet historike, ushtarake, juridike dhe sociale.

Përgjegjësitë

• Mbledhja e burimeve të rëndësishme për dokumentimin e krimeve të luftës nga perspektiva të ndryshme, përfshirë ato historike, ushtarake, ekonomike dhe kulturore;
• Angazhohet për mbledhjen e materialeve lidhur me humbjet në njerëz, dëmet fizike dhe psikologjike, dhe dëmet në (pronën kulturore) trashëgiminë kulturore e ambientale;
• Mbledhja e të dhënave për krimet e kryera, viktimat dhe dëmet, duke përfshirë përcaktimin e vendit dhe kohës së kryerjes, rrethanat e krimeve dhe identifikimin e viktimave e dëshmitarëve;
• Dhurimi, blerja dhe huazimi i kopjeve fizike/digjitale për IKKL-në dhe krijimi i fondit arkivor;
• Mbledhja, sistemimi dhe botimi i kujtimeve të të mbijetuarve të krimeve të kryera gjatë luftës;
• Kryerja e përgjegjësive të tjera për mbledhjen e të dhënave në lidhje me dokumentimin e krimeve.

Divizioni i Verifikimit

Misioni

Divizioni i Verifikimit ka për mision të sigurojë kontrollin dhe verifikimin e informacionit të mbledhur për krimet e kryera gjatë luftës në Kosovë, duke garantuar autenticitetin dhe saktësinë e të dhënave.

Përgjegjësitë

• Verifikimi i origjinës së materialeve që dokumentojnë krimet e luftës.
• Sigurimi i autenticitetit të materialeve për të garantuar besueshmërinë e informacionit.
• Grumbullimi, verifikimi, sistemimi dhe ruajtja e të dhënave që dokumentojnë rrethanat e kryerjes së krimeve.
• Krahasimi i të dhënave të mbledhura dhe verifikimi i saktësisë së tyre për të siguruar integritetin e informacionit.
• Paraqitja e rezultateve të verifikimeve të kryera për ndihmuar proceset e hulumtimit dhe dokumentimit.
• Realizimi i përgjegjësive të tjera që lidhen me plotësimin dhe verifikimin e të dhënave për krimet e luftës.

Divizioni i Përpunimit dhe Arkivimit

Misioni

Divizioni i Përpunimit dhe Arkivimit ka për mision të organizojë, përpunojë dhe arkivojë informacionin dhe materialet lidhur me krimet e kryera gjatë luftës në Kosovë, duke siguruar menaxhimin efikas të të dhënave fizike dhe digjitale.

Përgjegjësitë

• Organizimi, klasifikimi dhe katalogimi i materialeve në përputhje me standardet e përcaktuara;
• Përpunimi fizik dhe digjital i dokumentacionit për krimet e kryera;
• Krijimi i një procesi të qëndrueshëm për arkivimin e të dhënave;
• Kategorizimi i materialeve dhe të dhënave të grumbulluara për një menaxhim më të mirë.
• Krijimi, menaxhimi dhe mirëmbajtja e të dhënave dhe regjistrimeve për krimet dhe dëmet e shkaktuara;
• Përgatitja e analizave dhe të dhënave statistikore mbi krimet;
• Ofrimi i qasjes për viktimat dhe palët e interesuara në përputhje me legjislacionin;
• Zbatimi i procedurave për administrimin e materialeve arkivore;
• Grumbullimi dhe klasifikimi i të dhënave për të krijuar një fond fizik dhe digjital arkivor;
• Ruajtja e materialeve në kushte të përshtatshme, si në arkivin fizik ashtu edhe atë digjital;
• Zhvillimi i planeve për konservimin dhe restaurimin e dokumenteve të dëmtuara;
• Krijimi dhe zbatimi i një plani për digjitalizimin e materialeve arkivorë;
• Zhvillimi i politikave afatgjata për ruajtjen e materialeve;
• Realizimi i përgjegjësive të tjera për përpunimin dhe arkivimin e informacionit të mbledhur.