“Vetëm edhe diçka të të them, patjetër kur të vish, sille prej andej një kufomë shqiptari, që t’ia varë gomën në qafë, sepse tani nuk ka asnjë skelet.”

Kjo është përmbajtja tronditëse e një letre që mban emrin dhe nënshkrimin e doktorit Bojan Mihajlović, e adresuar ushtarëve serbë gjatë luftës në Kosovë.

Sipas të dhënave, letra ishte gjetur nga pjesëtarët e Ushtrisë Çlirimtare të Kosovës (UÇK), në një hapësirë ku më parë kishin qëndruar forcat serbe.

Më 23 prill 1999, në Karaullë, reporteri Paul Refsdal dokumentoi me kamerë këtë letër, përmbajtja e së cilës dëshmon gjuhën e urrejtjes dhe dehumanizimin e shqiptarëve gjatë luftës në Kosovë.