Gjatë takimit u diskutua për thellimin e bashkëpunimit ndërmjet IKKL-së dhe ASHAK-ut, me theks të veçantë në hulumtimin dhe trajtimin shkencor të krimeve të kryera gjatë luftës në Kosovë. Ky partneritet synon të krijojë platformë të përbashkët për shkëmbimin e literaturës, arkivave si dhe përfshirjen e ekspertizës akademike multidisiplinare për dokumentimin e krimeve të luftës.
IKKL mbetet e përkushtuar për forcimin e kapaciteteve kërkimore përmes bashkëpunimeve ndërinstitucionale, që kontribuojnë në avancimin e drejtësisë tranzicionale, ruajtjen e kujtesës institucionale dhe zhvillimin e studimeve të mirëfillta mbi periudhën e luftës.