Sot, Dr. Atdhe Hetemi mori pjesë si panelist në sesionin “Nga hiri tek promovimi i demokracisë: Historia e transformimit të Kosovës”, i cili u mbajt në kuadër të Forumit Ndërkombëtar për Gratë, Paqen dhe Sigurinë 2025, organizuar nën patronatin e Presidentes së Republikës së Kosovës, Dr. Vjosa Osmani-Sadriu.
Në diskutimin e tij, Drejtori Ekzekutiv i IKKL-së theksoi se ndërtimi i një shoqërie demokratike kërkon ballafaqim të ndershëm me të kaluarën dhe dokumentim të plotë të krimeve të luftës. “Pa kujtesë të ndërtuar mbi fakte, nuk ka drejtësi. E pa drejtësi, nuk ka paqe,” u shpreh ai, duke nënvizuar rolin thelbësor të zërit të viktimave në proceset e paqes dhe të demokracisë.
