Për nder të Ditës Ndërkombëtare të Përkujtimit dhe Dinjitetit të Viktimave të Krimit të Gjenocidit dhe Parandalimit të këtij Krimi, përkujtojmë të gjitha viktimat e luftës në Kosovë gjatë viteve 1998-1999.

Kjo datë shërben si reflektim dhe kujtim për viktimat që humbën jetën, për shumë qytetarë të pafajshëm, përfshirë gra, fëmijë dhe të moshuar, shumë civilë që u torturuan dhe u trajtuan në mënyrë çnjerëzore, me elemente të qarta të krimeve kundër njerëzimit, të definuara sipas dokumentit të terminologjisë së standardizuar të IKKL-së.