Në kuadër të bashkëpunimit me organizatat që posedojnë dokumentacion me vlerë historike, Drejtori Ekzekutiv i IKKL-së, @Atdhe Hetemi, vizitoi sot Shoqatën e të Burgosurve Politikë të Kosovës (SHBPK), ku u prit nga homologu i tij, z. Blerim Muriqi.

Me këtë rast, SHBPK i dorëzoi IKKL-së të gjitha materialet nga arkivi i saj, të cilat dëshmojnë për përndjekjet, burgosjet dhe torturat ndaj shqiptarëve të Kosovës.

IKKL vlerëson këtë kontribut dhe falënderon Shoqatën për bashkëpunimin në mbledhjen, ruajtjen dhe dokumentimin e dëshmive historike.