Sot në IKKL pritëm në takim përfaqësuesin e Kishës Protestante në Kosovë, z. Artur Krasniqi.
Diskutimi u përqendrua në mundësitë e bashkëpunimit ndërinstitucional, me theks të veçantë në rëndësinë e dokumentimit të krimeve të luftës dhe rolin që komunitetet fetare mund të luajnë në ruajtjen e kujtesës kolektive. U theksua se përmes bashkëpunimit të ndërsjellë forcohen lidhjet mes institucioneve dhe komuniteteve, por edhe ndërtohet një bazë më e qëndrueshme për edukimin e brezave mbi të kaluarën e vendit.
IKKL vazhdon të forcojë partneritetet me të gjitha komunitetet dhe institucionet në Kosovë, të cilat synojnë ndërtimin e një shoqërie që e dokumenton dhe mëson të vërtetën historike.