Me qëllim të dokumentimit të fakteve dhe dëshmive autentike mbi krimet e kryera gjatë luftës në Kosovë IKKL ka zhvilluar një intervistë të detajuar me dy nga të mbijetuarat e një prej masakrave më të rënda dhe më të hershme në Kosovë, masakrës së kryer nga forcat serbe më 26 shtator 1998 ndaj familjes Deliu në Abri të Epërme, me znj. Liridona Deliu dhe znj. Arlinda Deliu nga kjo familje.
Kjo intervistë u realizua në kuadër të misionit të IKKL-së për hulumtimin dhe dokumentimin e të vërtetës historike, me qëllim të respektimit të dinjitetit të viktimave, ruajtjes së kujtesës kolektive dhe forcimit të ndërgjegjes shoqërore mbi pasojat e krimeve të luftës, duke u mbështetur në dëshmi të drejtpërdrejta, autentike dhe të verifikuara.