Sot, IKKL prezantoi Metodologjinë për hulumtimin e krimeve ekonomike të kryera para dhe gjatë luftës në Kosovë.
Ky udhëzues metodik ofron qasje të strukturuar dhe të standardizuar për dokumentimin e krimeve ekonomike. IKKL synon që ky proces të jetë profesional, transparent dhe i bazuar në prova, për të kontribuar kështu në drejtësi, llogaridhënie dhe ndërtimin e kujtesës kolektive.
Ngjarja u mbajt në prani të Kryeministrit të Kosovës z. Albin Kurti, institucioneve akademike, shoqërisë civile dhe ekspertëve të fushës, duke theksuar përkushtimin tonë për bashkëpunim me të gjithë akterët, në të mirën e përbashkët.
