Sot Instituti për Krimet e Kryera Gjatë Luftës (IKKL) pranoi 23 botime me gjithsej 48 ekzemplarë, nga Fondi për të Drejtën Humanitare Kosovë (FDHK), të botuara në periudhën nga viti 1999 deri më 2024 nga FDHK dhe Fondi për të Drejtën Humanitare. Këto botime përmbajnë informacione të rëndësishme për krimet e kryera gjatë luftës në Kosovë, duke përfshirë vrasjet masive, burgosjet arbitrare, maltretimet e deri tek strategjia për fshehjen dhe zhdukjen e trupave nga ana e forcave Serbe.
Këto materiale do t’i shërbejnë procesit për hulumtimin dhe dokumentimin e krimeve të kryera gjatë luftës në Kosovë.
IKKL dhe FDHK u dakorduan që edhe në të ardhmen do ta vazhdojnë bashkëpunimin.