Sot 25 vjet më parë, në tregun e gjelbër në Mitrovicë, nga hedhja e granatave prej forcave serbe, u vranë 7 civilë dhe u plagosën mbi 128 të tjerë. Në mesin e të vrarëve dhe të plagosurve kishe fëmijë, gra, pleq e të rinj.
Gjatë shënimit të këtij përvjetori, Drejtori Ekzekutiv i IKKL-së, z. Atdhe Hetemi u njoftua për së afërmi me ngjarjen, nga rrëfimet personale të të mbijetuarve dhe nga dëshmitarë e familjarë të viktimave që kanë humbur jetën në këtë ngjarje. IKKL mbetet e përkushtuar të trajtojë me seriozitet rastet e krimeve të kryera gjatë luftës në Kosovë dhe të bëjë dokumentimin e tyre./IKKL