IKKL ka vizituar shtëpinë-muze të nënës Ferdonije dhe ka zhvilluar një takim me të, duke shprehur gatishmërinë për bashkëpunim në dokumentimin e së vërtetës historike dhe mbështetjen institucionale. Familja Çerkezi ka përjetuar një nga tragjeditë më të rënda të luftës, ku ajo humbi burrin dhe katër djemtë e saj ku edhe pas 26 vitesh për dy prej tyre dhe burrin e saj ende nuk dihet asgjë për fatin e tyre.
Kjo vizitë u realizua në kuadër të misionit të IKKL-së për të hulumtuar dhe dokumentuar të vërtetën historike, për të respektuar dinjitetin e viktimave dhe për të ruajtur kujtesën kolektive, duke u mbështetur në dëshmi të drejtpërdrejta dhe të verifikuara.