Në trajnim, krahas stafit të IKKL-së, po marrin pjesë edhe përfaqësues nga Prokuroria Speciale, Policia e Kosovës, Instituti i Mjekësisë Ligjore dhe Komisioni Qeveritar për Persona të Zhdukur.
Gjatë këtyre tri ditëve do të trajtohen tema si vendimmarrja me ndjeshmëri ndaj traumës (Trauma-Informed Decision Making), udhëheqja transformuese (Transformative Leadership), udhëheqja adaptive (Adaptive Leadership) dhe bashkëpunimi ndërinstitucional.
Trajnimi synon të forcojë kapacitetet profesionale dhe bashkëpunimin ndërmjet institucioneve që merren me dokumentimin, hetimin dhe trajtimin e krimeve të kryera gjatë luftës në Kosovë, duke i kushtuar vëmendje të veçantë trajtimit me kujdes dhe dinjitet të viktimave dhe të mbijetuarve.
IKKL falënderon trajneret ndërkombëtare për ekspertizën dhe kontributin e tyre vullnetar në realizimin e këtij trajnimi.
