Drejtori i IKKL-së, z. Hetemi mori pjesë në homazhet dhe akademinë përkujtimore në fshatin Novosellë të Pejës, kushtuar civilëve të vrarë gjatë luftës. Në këtë eveniment u shpalosën fakte për ngjarjen e rëndë që ndodhi më 18 prill 1999 në fshatin Husaj, ku mbeten të vrarë civilë shqiptarë, ndër të cilët edhe një fëmijë 13 vjeçar dhe një e moshuar 72 vjeçare. IKKL falënderon Avokatin Velija Muriq, për kontributin e vazhdueshëm në dokumentimin e kësaj ngjarje, si dhe gadishmërinë e tij për dorëzimin e këtyre materialeve në arkivat e IKKL-së.