Drejtori Ekzekutiv i Institutit të Krimeve të Kryera gjatë Luftës në Kosovë, z. Atdhe Hetemi, priti në takim Ministrin e Kulturës, Rinisë dhe Sportit, z. Hajrulla Çeku.
Në këtë takim, z. Hetemi e informoi ministrin Çeku për përparimin e IKKL-së në dokumentimin e krimeve të luftës, ndërsa ministri Çeku ndau punën e bërë nga MKRS për dokumentimin e shkatërrimit të trashëgimisë kulturore gjatë luftës. Gjithashtu, MKRS dorëzoi dokumentacion të vlefshëm me të dhëna të rëndësishme për dëmet ndaj trashëgimisë kulturore gjatë luftës në Kosovë.
IKKL mbetet e përkushtuar në bashkëpunimin ndërinstitucional për dokumentimin e të gjitha krimeve të kryera gjatë luftës.