Sot, Drejtori Ekzekutiv i IKKL-së, vizitoi Bashkësinë Islame të Kosovës (BIK), ku u prit nga Myftiu, z. Naim Tërnava. Gjatë takimit u theksua rëndësia e bashkëpunimit ndërmjet institucioneve në funksion të dokumentimit shkencor të krimeve të kryera gjatë luftës në Kosovë.
Z. Hetemi nënvizoi vlerën që mbartin materialet dhe arkivat që disponon BIK, e të cilat do të shërbejnë si burime themelore për dokumentimin e ngjarjeve të së kaluarës. Ndërsa Myftiu Tërnava shprehu gatishmërinë për bashkëpunim, duke theksuar rolin e besimit dhe solidaritetit në përballimin e sfidave historike që kanë kaluar qytetarët e Kosovës. Në përmbyllje të takimit, palët nënshkruan Protokollin e Bashkëpunimit për dorëzim-pranimin e materialeve që disponon BIK.
IKKL do të bashkëpunojë me të gjitha institucionet që ndajnë misionin e ndriçimit të së vërtetës, respektimit të dinjitetit të viktimave dhe ndërtimit të kujtesës kolektive, përmes një qasjeje të drejtë, të qëndrueshme dhe të mbështetur në metoda shkencore.
