Arkivi i IKKL-së pasurohet edhe me 100 rrëfime e qindra orë video incizime, të mbledhura përmes intervistave të realizuara me ish-punëtorët e Kombinatit Trepça. Kjo seri hulumtimi dokumenton zhvillime të rëndësishme historike, që kanë çuar deri te lufta në Kosovë. Projekti ‘Kujtesa e Trepçës’ nisi në vitin 2022, dhe u realizua në bashkëpunim me Universitetin e Prishtinës, respektivisht Departamentin e Antropologjisë dhe Sociologjisë, si dhe organizatën kulturore 7Arte, e cila i dorëzoi në IKKL këto materiale të vlefshme.