Departamenti i Hulumtimeve

Divizioni i Shërbimit të Përdoruesve

Misioni

Divizioni i Shërbimit të Përdoruesve ka për mision të sigurojë qasjen dhe përdorimin efikas të materialeve dhe të dhënave të IKKL-së për hulumtime, duke mbrojtur informacionin dhe promovuar përdorimin e tij në përputhje me legjislacionin.

Përgjegjësitë

• Krijimi i procedurave për qasje dhe përdorim të materialeve të IKKL-së;
• Mbrojtja e të dhënave dhe materialeve nga humbja ose dëmtimi gjatë përdorimit;
• Sigurimi që përdorimi i materialeve të bëhet në përputhje me legjislacionin në fuqi;
• Ofrimi i shërbimeve informuese përmes katalogëve manualë dhe elektronikë;
• Ndihma për përdoruesit në gjetjen e informacionit dhe përdorimin e teknologjisë;
• Menaxhimi i koleksioneve të të dhënave për përdoruesit;
• Organizimi i fushatave për të rritur vetëdijen mbi të dhënat dhe mundësinë e përdorimit të tyre për hulumtime;
• Realizimi i përgjegjësive për vënien në dispozicion të të dhënave dhe materialeve për hulumtime në përputhje me legjislacionin.

Divizioni i Hulumtimeve Akademike

Misioni

Divizioni i Hulumtimeve Akademike ka për mision të zhvillojë hulumtime të thelluara dhe profesionale mbi krimet e kryera gjatë luftës, duke kontribuar në njohjen dhe dokumentimin e këtyre ngjarjeve dhe pasojave të tyre.

Përgjegjësitë

• Krijimi i programeve për hulumtime mbi krimet e luftës;
• Përgatitja dhe miratimi i pyetësorëve për punë hulumtuese në terren;
• Planifikimi dhe kryerja e hulumtimeve:
  • Mbledhja e dëshmive (shkruara, audio, video, etj.) dhe intervistat me dëshmitarët;
  • Analiza e aspekteve historike, ushtarake, ekonomike, etj;
  • Vlerësimi i humbjeve dhe dëmeve të shkaktuara nga krimet;
  • Publikimi i kujtimeve të të mbijetuarve, sipas legjislacionit;
  • Hartimi i procedurave për hulumtimin e dhunës seksuale gjatë luftës.
• Koordinimi me institucione akademike për hulumtime dhe publikimin e rezultateve;
• Pjesëmarrja në ngjarje shkencore për trajtimin e krimeve të luftës;
• Shfaqja e rezultateve të hulumtimeve për krimet e kryera gjatë luftës;
• Shpërndarja e materialeve përmes platformave të ndryshme;
• Krijimi dhe mbajtja e bibliotekës fizike dhe elektronike të IKKL-së;
• Bashkëpunimi me mediet dhe organizatat për aktivitete hulumtuese;
• Vizualizimi dhe interpretimi i të dhënave të IKKL-së;
• Realizimi i përgjegjësive për hulumtime akademike dhe publikimin e rezultateve.

Divizioni i Digjitalizimit të Materialeve Hulumtuese

Misioni

Divizioni i Digjitalizimit të Materialeve Hulumtuese angazhohet për të modernizuar dhe përmirësuar qasjen në materialet hulumtuese përmes procesit të digjitalizimit, duke kontribuar në ruajtjen dhe përhapjen e informacionit mbi krimet e kryera gjatë luftës.

Përgjegjësitë

• Inicion dhe promovon bashkëpunimin ndërmjet departamenteve për digjitalizimin e materialeve hulumtuese;
• Zhvillon dhe implementon politika për përdorimin e avancuar të arkivave digjitale, duke transformuar dokumentet fizike dhe regjistrimet në formate digjitale;
• Muzeu Digjital: Krijon materiale për muzeun digjital;
• Dizajnon metoda të avancuara për kërkimin dhe përdorimin e teknologjive të reja, si inteligjenca artificiale, për të ndihmuar në gjetjen e dokumenteve specifike;
• Zhvillon video-materia dhe përdor mjete grafike për të vizualizuar informacionin, përfshirë hartat e krimeve dhe lidhjet mes ngjarjeve;
• Krijon një strukturë që lidh dokumentet dhe burimet për të lehtësuar identifikimin e personave dhe ngjarjeve;
• Dizajnon platforma edukative për nxënësit, studentët dhe hulumtuesit për të eksploruar ngjarjet e luftës;
• Lehtëson shkëmbimin e njohurive midis historianëve, juristëve dhe ekspertëve të tjerë përmes platformave digjitale;
• Kryen përgjegjësitë e tjera të nevojshme për digjitalizimin e të dhënave për hulumtime mbi krimet e luftës.

Divizioni i Analizave të Specializuara

Misioni

Divizioni i Analizave të Specializuara angazhohet për të ofruar analiza të thelluara dhe mbështetje për institucionet publike, në lidhje me nevojat e viktimave të krimeve të kryera gjatë luftës në Kosovë, duke ndihmuar në adresimin e pasojave psiko-sociale dhe matjen e dëmeve.

Përgjegjësitë

• Planifikon dhe realizon analiza të specializuara për institucione publike, për të adresuar nevojat e viktimave dhe për matjen e dëmeve të luftës;
• Bashkëpunon me institucione të tjera për zhvillimin dhe ofrimin e analizave mbi nevojat e viktimave dhe pasojat e krimeve;
• Kryen analiza dhe ofron ndihmë profesionale për institucionet e drejtësisë mbi krimet dhe dëmet e shkaktuara;
• Kryen detyrat dhe përgjegjësitë e tjera për ofrimin e analizave të kërkuara nga institucionet në lidhje me viktimat dhe matjen e dëmeve ekonomike, psiko-sociale, dhe emocionale.