Konferenca mblodhi përfaqësues të institucioneve shtetërore, akademisë, organizatave ndërkombëtare dhe shoqërisë civile nga rajoni dhe Evropa.
Në këtë forum, Drejtori Ekzekutiv i IKKL-së theksoi se dokumentimi profesional nuk është vetëm proces akademik apo teknik, por përgjegjësi morale që ndikon drejtpërdrejt në arritjen e drejtësisë dhe në mënyrën se si shoqëritë e pasluftës e kuptojnë të kaluarën. U prezantua edhe progresi i Kosovës, përmes ndërtimit të arkivës së hapur dhe zhvillimit të metodologjisë së avancuar, që tashmë po tërheq vëmendje në nivel rajonal dhe ndërkombëtar. Po ashtu, u theksua nevoja për bashkëpunim rajonal dhe ndarje të ekspertizës.
Pjesëmarrja në këto forume konfirmon rolin në rritje të IKKL-së në formësimin e debatit profesional mbi të kaluarën. IKKL do të vazhdojë të kontribuojë në forcimin e së vërtetës, drejtësisë dhe kujtesës kolektive.
