Gjatë takimit, përfaqësuesit tanë do të flasin rreth materialeve arkivore, dokumenteve origjinale, fotografive autentike, dëshmive të drejtpërdrejta dhe pamjeve video që posedon IKKL e të cilat paraqesin një burim të pazëvendësueshëm për filma artistikë, projekte audiovizuale, dokumentarë dhe kërkime shkencore.
Ky aktivitet është një mundësi e jashtëzakonshme për studentët dhe profesorët që të njihen me materialet autentike që lidhen me krimet e luftës, traumën, rezistencën dhe kujtesën kolektive burime që mund të shndërrohen në projekte të fuqishme artistike dhe narrative me ndikim.
E mërkurë, 03 dhjetor 2025
Ora 11:00
Salla e projeksionit, Departamenti i Arteve Dramatike (përballë Rektoratit)