Sot, IKKL realizoi një vizitë pune në Komunën e Drenasit, dhe zhvilloi një takim frytdhënës me Kryetarin e Komunës, z. Ramiz Lladrovci. Gjatë takimit, Kryetari Lladrovci shprehu gatishmërinë e plotë për të bashkëpunuar me IKKL-në, duke ofruar mbështetje të pakursyer për të siguruar që çdo fakt, dëshmi dhe kujtim i periudhës së luftës të ruhet me kujdes dhe të mbetet i gjallë për brezat e ardhshëm.
Ky angazhim i përbashkët reflekton përkushtimin tonë për të mbajtur gjallë kujtesën historike dhe për të kontribuar në dokumentimin e duhur të krimeve të luftës.