Z. Blerim Halili, përfaqësoi IKKL-në në panelin e organizuar nga YIHR për publikimin e raportit “Qëndrimet e të rinjve ndaj luftës dhe krimeve të luftës në Kosovë”. Ai theksoi rëndësinë e dokumentimit të krimeve të luftës në zbatimin e drejtësisë tranzicionale dhe paqes së qëndrueshme. Po ashtu, z. Halili foli për qasjen e IKKL-së në edukimin e të rinjve mbi ruajtjen e kujtesës kolektive dhe rëndësinë e zbardhjes së të vërtetës historike.