Sot, në Bibliotekën Kombëtare të Kosovës u nënshkrua protokolli për dorëzim në IKKL, të 200 rrëfimeve gojore dhe qindra orë video incizimeve të të mbijetuarve dhe dëshmitarëve të masakrës së Krushës së Madhe. Ky material i vlefshëm, i mbledhur nga bashkëpunimi mes Universitetit të Prishtinës, përkatësisht Departamentit të Antropologjisë, dhe BKK-së, pasuron arkivin e IKKL-së, dhe forcon përpjekjet tona për dokumentim të saktë të krimeve të kryera gjatë luftës. Këto dëshmi gojore na sjellin një hap më afër misionit të përbashkët për ruajtjen dhe sigurimin e jetëgjatësisë së kujtesës historike.