Drejtori i IKKL-së, Dr. Atdhe Hetemi, prezentoi në Konferencën Ndërkombëtare për 25-vjetorin e Intervenimit të NATO-s në Kosovë, të organizuar nga Universiteti i Prishtinës dhe University of Arkansas, Clinton School of Public Service, në panelin “Drejtësia Tranzicionale: Rivendosja e Identitetit dhe Rendit Ligjor”. Kontributi e IKKL-së në ngjarje të tilla akademike thekson përkushtimin tonë për angazhim në debatet dhe hulumtimet shkencore mbi çështjet e drejtësisë tranzicionale dhe ndërtimit të paqes së qëndrueshme.